Ֆիլմը նկարահանվել է գրող՝ Այն Ռենդի ստեղծագործության հիման վրա, որը լույս է տեսել 1959 թվին։ Այն հիմնված է առեղծվածային ինժեներ Ջոն Գոլտի ղեկավարությամբ տաղանդավոր և ակտիվ մարդկանց իդեալական հասարակության ստեղծման պատմության վրա։ Նրանք ստիպված էին լքել երկիրը, քանի որ պետությունն ու հասարակությունը սոցիալիստական էին, ինչն էլ խոչընդոտում են նրանց առաջընթացին և զարգացմանը։ Իսկ դրա արդյունքում ԱՄՆ-ի տնտեսական համակարգը փլուզվում է ու ամեն ինչ գնում է դեպի քայքայման։ Վեպի գեղարվեստական արժեքը երկրորդական է: Ատլանտի ինտրիգներն ու հերոսները զվարճանքի համար չեն։ Նրանք կատարում են կարևոր գործառույթներ՝ լուսաբանելով հեղինակի գաղափարները։
Այն Ռենդի վեպում հասարակությունը հիմնված է ակտիվ և նախաձեռնող մարդկանց՝ գյուտարարների, գիտնականների, արդյունաբերողների, ստեղծագործ մարդկանց և առաջնորդների/լիդերների վրա: Նման մարդիկ շատ քիչ են, բայց հենց նրանք են ստեղծում ապրանքների, գաղափարների, գյուտերի և այլ ապրանքների մեծ մասը: Մնացած բոլորը ապրում են այդ մարդկանց հաշվին։ Հեղինակը այս ստեղծագործ մարդկանց համեմատում է հին հունական դիցաբանության Ատլանտյան տիտանի հետ, որն իր ուսերին է պահում երկնակամարը: Ֆիլմում ակնհայտ երևում է թե ինչպես կփլուզվի ամեն ինչ, երբ Ատլանտը սփռի իր ուսերը։
Ի՞սկ ով է Ջոն Գոլտը։ Նա գլխավոր հերոսներից էր, ով մարմնավորում էր Ալտանտի կերպարը։ Նա տաղանդավոր ինժեներ էր ու գյուտարար, ով ուտոպիստական քաղաքի հիմնադիրն է։ Նա ստեղծում է իր գաղափարախոսությունը, որը կոչ է անում անձնական շահերը վեր դասել հանրային շահերից և չկիսել իր աշխատանքի արդյունքները։ Որպես ակտիվ հերոս նա սկսում է գործել 3-րդ մասում, բայց առաջին մասից սկսած նրա գործունեությունը երևում է։
Այն Ռանդը պնդում էր, որ իրականությունն օբյեկտիվ է և անփոփոխ: Մենք կարող ենք օգտագործել մեր միտքն իրականությունն ուսումնասիրելու և գիտելիքը ի շահ մեզ օգտագործելու համար: Յուրաքանչյուր մարդու խնդիրն է ձգտել առավելագույնի հասցնել իր ինտելեկտն ու կարողությունները, դրանից օգուտ քաղել և կառուցել սեփական երջանկությունը: Ձգտել սեփական բարօրությանը, որը չի հակասում այլ մարդկանց շահերին, կոչվում է «գիտակցված էգոիզմ»: Դրա էությունը լավ երևում է վեպի արտահայտությունից մեկում. «Ես երբեք չեմ ապրի հանուն ուրիշի և երբեք չեմ խնդրի ու չեմ ստիպի մեկ ուրիշին ապրել ինձ համար»: Կարծում եմ, որ ֆիլմը մեծ ազդեցություն ունի մարդկանց մեծամասնության վրա, քանի որ միտքը ավելի խորն է, քան առաջին հայացքից երևում է։
Նախագծի հղումը
Հարությունյան Քնար 4.1 կուրս 