Այսօր որոշել ենք ուսումնասիրել Արարատի մարզը։ Այցելելու ենք՝ Խոր Վիրապ, Տափի բերդ ու Հրեշտակների ձոր։ Երեք հրաշալի և յուրօրինակ վայր մեկ ուղևորության ընթացքում։ Առաջինն այցելեցինք 7-րդ դարում կառուցված Խոր Վիրապը, որտեղ նկարեցինք երկլեզու ֆիլմ՝ ռուսերեն և անգլերեն լեզուներով։ Տեղանքին ծանոթացանք, իջանք փոսը, որտեղ 14 տարի շարունակ պահել էին Գրիգոր Լուսավորչին, հետո փոքր բարձունքը հաղթահարելով գնացինք դրոշի մոտ և շարժվեցինք առաջ։ Այս ամենից հետո գնացինք Հրեշտակների ձոր, որն իր յուրօրինակությամբ և ժայռերի գեղեցկությամբ մեծ հետաքրքրություն է առաջացնում։ Շատ էի լսել այս տեղի մասին ու ցանկություն կար այցելելու, այսօր վերջապես այցելեցի և իմ աչքերով տեսա այդ հրաշք ձորը։ Այնուհետև, այցելեցինք Կոտուց լեռան լանջին կառուցված Տափի միջնադարյան բերդը: Գեղեցիկ բարձունքի վրա՝ լեռներով շրջապատված, ամրոցաշինական մեծ արժեք ներկայացնող բերդ է, որը ժողովրդի շրջանում հայտնի է նաև Գևորգ Մարզպետունու բերդ անունով։ Բերդը շատ գեղեցիկ ու վեհ տեսք ուներ իհարկե մի փոքր այլ ձև էի պատկերացնում, բայց միևնույնն է շատ լավն էր, առավել ևս երբ գիտակցում ես, որ գտնվում ես 10-րդ դարում կառուցված շինության մեջ։ Ահա այսքանն էր մեր այսօրվա ճամփորդական օրը, որը շատ լավ ավարտվեց, հետ գալուց էլ երաժշտություն լսեցինք, խոսեցինք ու լավ տրամադրությամբ վերադարձանք հետ։
Նախապատրաստական աշխատանքներ.
Ֆոտոշարք
Հարությունյան Քնար 4.1 կուրս 