Ճոխությունը փոխարինենք հարմարավետությամբ. Վիգեն Ավետիս

Այս նախագիծը հնարավորություն է տալիս տան հին իրերին նոր կյանք տալ և շարունակել դրանք օգտագործել:

Նախագծի շրջանակներում ցանկանում եմ առաջինը ներկայացնել իմ շատ սիրելի անկյունը, որտեղ ես անցկացնում եմ գրեթե իմ ամբողջ օրը, և դրանից ելնելով, որոշեցի նոր կյանք տալ ու ձևափոխել այն՝ ըստ իմ ճաշակի: Քանի որ մեր տան բոլոր անդամները արվեստագետներ են, այդ իսկ պատճառով իմ անկյունում անպակաս են նկարները, որնցից մի քանիը նկարել եմ ես՝ ինքս, իսկ մնացած կտավների հեղինակը պապիկս է: Անկյունում փոփոխել եմ գրադարակիս տեսքը, փաքցրել եմ տարբեր նկարներ ու նշել եմ որոշակի ամսաթվեր, որոնք կարևորում եմ, նաև կան գրված ուղղակի խոսքեր, որոնք գրել եմ տրամադրության տարբեր «երանգներում»: Կա նաև «The New Seekers» ռոք խմբի ձայնասկավառակը և փոքրիկ տարբեր սկավառակներ (անկյունիս նախկին տեքով նկարները ցավոք չգտա):

Հաջորդը ցանկանում եմ ներկայացնել իմ անկյունում գտնվող որմնալամպը, որը ես նույնպես ձևափոխել եմ՝ ավելացրել եմ դեղին, վարդագույն և շականակագույն ներկեր ու փոքրիկ աստղիկներ:

Իսկ հիմա ցանկանում եմ ներկայացնել իմ նոթատետրը, որի մեջ ես նկարում եմ: Այն սկզբում ուներ սովորական կազմ, բայց ես փոխեցի այն իմ ճաշակով՝ ավելացնելով ստվարաթուղթ և փոքրիկ նկարներ:

Էկոլոգիա առարկայից մեզ հանձնարաված էր պլաստիկե շշին տալ նոր կյանք և ես որոշեցի պատրաստել մոմակալ:

Բնապահպանական նախագիծ: Ինչպե՞ս օգտագործել պլաստիկե շշերը

Որոշեցի լամպից պատրաստել դեկորատիվ իր: Լամպի վրա փաքցրեցի թղթեր այնուհետև ներկեցի բրոնզագույն:

Սովորական կրծքանշանների վրա փաքցրեցի սոսնձվող նկարներ (ստիկերներ), որոնք ամրացրել եմ պայուսակիս: